Imo Airlines we bi se na govament of Imo Stet get am don land dia fest eva flait fo Sam Mbakwe Airport, Owerri.
Di fest pasinja dem we di plen kari na Govano Rochas Okorocha and Imo Stet Executive Council membas.
Naija Languej hie se meni thousand Imo pipul gada fo di airport to selebret di achivment.
Di plen we fit kari 140 pesin bin land fo Sam Mbakwe Airport, Owerri arand 11. 42 in di morin.
Wetin dem rait fo di bodi of di plen na Imo Air and Dana Air. Na im bi se na Dana Airlines go de help Imo Stet ron di biznes.
"As Imo Stet no get license to ron airline biznes, na im wi kom patna wit Dana Airlines we wi nou se dem sabi di biznes wel wel. " Na wetin Rochas tok bi dat.
Di govano kom tok say smol taim, anoda 4 plen go join dat won to mek am 5.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.