22 yiez old Cameroon man Joel Ludguo we de wok as cleaner fo Lagos don kil ha madam, Miss Temidayo Adeleke wit knife o.
Di sospekt de fo State Criminal Investigation and Intelligence Department, Yaba, Lagos wia im de yan polis wetin kari am go du dat kain ivul.
Ludguo bin de liv wit Adeleke insaid ha haus fo Prince Tayo Adesanya Street, Park View Estate, Ikoyi, Lagos.
Naija Languej hie se Ludguo bin aproch madam arand10.30 in di morin on Tuesday to ask fo N15,000 insaid im December salari so dat im go fit travul. Im salari na 27,000 naira evri mont.
As Adeleke we bi se shi bin de plan to mari fo eli 2017 tel Ludguo say shi neva shenj di dollars we shi kari kom bak from forin travul to naira, na so di boi bigin hala o.
As Adeleke tel am to liv ha elon mek shi rest, na im Ludguo vex komot. Smol taim, im kom bak kom chuk di wuman knife fo bele.
Naija Languej hie se as Ludguo wn ron komot fo di haus afta im don du dis wikednes, na so di wuman draiva and sekuriti guard blok am fo gate, kom kol polis.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.