Plenti pipul na im gada fo Samuel Ogbemudia Stadium, Benin Citi on Saturday as Godwin Obaseki kom tek oath of ofis as Govano of Edo Stet fo di nest 4 yiez.
Di News Agency of Nigeria, NAN tok se chans no de fo di stadium at ol as pipul jos ful evriwia.
Among di big big pipul we bin de dia na Senate President, Dr Bukola Saraki, Gov. Mohammed Abubakar of Bauchi State, Gov. Akinwunmi Ambode of Lagos State and Gov. Ibikunle Amosun of Ogun.
Ivun biznes pipul laik Alhaji Aliko Dangote, and APC govanoship kandidet fo Ondo Stet, Rotimi Akeredolu bin de dia.
Bifo bifo Hed of Stet Yakubu Gowon, and Infomeshon Minista Alhaji Lai Mohammed olso de dia.
Ol di royal fada dem from ol ova Edo Stet plos maket wumen and yuth grup dem ol kom di stadium to sopot di niu govano as dem swear fo am.
Obaseki bin tek ova from Adams Oshiomhole we sav as govano fo 8 yiez. Im bin difit Osagie Ize-Iyamu of People's Democratic Party, PDP fo di September 28 govanoship elekshon.
As dem swear fo am finish, Obaseki tok se dat im promis to giv 200,000 pipul job fo Edo Stet no bi jok o.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.