Nnewi-bezd moto asembli plant, Innoson Vehicle Manufacturing, IVM don anauns se dem don klos daun dia faktri bikos dem no si forin exchenj to impot moto pats.
Chairman of IVM, Innocent Chukwuma, tel Reuters say dem don ouredi send dia wokas hom bikos di kompeni no fit get dollars to bai moto pats from Japan, Germany and China, wia dem de get most of dia vehikul pats from.
“Prodokshon don stop as wi no si forex fo di impoted items we wi de yuz,” Chukwuma tok.
IVM we stat prodokshon fo 2010 bin de du wel, sotey dem rish 6,000 vehikul evri yie bikos of hau di Jonathan govament sopot am wit ‘Made in Nigeria’ polisi we mek govament and ivun som choch dem kom de bai dia moto.
“Awa ambishon and plan no luk gud agen as govament no kip dia promis. A biliv se dem go stil du somtin, bot if dem no fit du enitin, na im bi se wi go sak wokas." Na so Chukwuma tok.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.