Won famili of 3 pipul fo Ajegunle, insaid Lagos fo jos dai waka if no bi se madam shain ha aiz wel.
Wetin hapun bi se won bad bele nebo we dem de kol Gordon Daniel bin put Sniper insaid di sup we Mrs Saidat Shakiru put fo faya as komot go bai somtin.
As Mrs Shakiru kom bak, shi kom de hie som kain bad smel insaid ha sup. Na im shi kol landlord o.
From dia, dem kari di mata go mit di Baale of f Aiyetoro 1 komuniti fo Ajegunle, we bi Saheed Fakunle,
As dem stat to tochlait di mata, na so Daniel we don de get problem wit Shakiru sins bikom sospekt.
Na dia di man kom konfes se na bikos of di hevi insolt we Mrs Shakiru giv am im disaid to ponish am wit rat poizin.
Nau, polis don enta di mata, and Daniel de beg mek dem tempa jostis wit mesi.
Si Daniel fo piksho wit Mrs Shakiru pot of sup we im put Sniper insaid.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.