Wan 25 yiez old man we no get wok na im dem arenj bifo Ikeja Magistrate Court on Tuesday.
Dis yong man we bi Akeem Edun we de liv wit im fada fo Ogun River Road, Isheri, Lagos, dem arenj am fo court bikos im go asolt im fada waif we bi im stepmoda.
Di prosekuto Donjor Perezi tel di court se na on May 28, Akeem komit dis ofens fo dia haus.
Im kom tok se di akiuz bin de fait im stepsista bifo di girl ron go haid bihaind ha moda.
As Akeem hand no rish di girl agen, im kom de bit im stepmoda sotey di wuman chia brek.
Di ofens kontraven sekshon 171 of di Criminal Law of Lagos State, 2011.
As di akiuz se im bi inosent fo di ofens, di judge kom grant am bail fo N100, 000 wit wan shoti we get di sem moni.
Di Magistrate, Mrs O.A. Layinka kom ajon di mata to July 11 for menshon.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.