Lagos State University, LASU don sospend wan Computer Science student we dem no tok im nem afta dem kach am wit igbo, we oyibo de kol Indian hemp.
Dem poblish di sospenshon insaid di univasiti buletin we enta News Agency of Nigeria, NAN hand on Sunday.
Di buletin tok se wia di
Vice-Chancellor, we bi Prof. Olanrewaju Fagbohun get di otoriti to sospend di student na
Section 28 of di Law we establish di univasiti.
Akodin to di buletin , di boi go de sospenshon ontil di taim wen im go apia bifo di Students’ Disciplinary Committee of di univasiti to difend imsef.
Dem tok se na sekuriti pipul fo di univasiti bin kach di student wit somtin we bi laik igbo on May 3, 2016.
Di buletin stil tok se to kari somtin laik igbo ou oda bad bad drugs dem kontraven di rul and reguleshon we de govan di univasiti.
“As i bi laik dis so, di student no go enta klas ou du egzamineshon fo di univasiti ontil wen di sospenshon don finish."
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.