Di onli Naija klob we stil de ple kontinental, Enyimba FC don araiv Johannesburg, South Africa on Monday monin fo dia sekond CAF Champions League group B mach wit Mamelodi Sundowns we dem go ple on Wednesday fo Pretoria.
On Sunday nait na im di Pipul's Elephant dipat Naija. As dem land fo Johannesburg, Naija komuniti we dia lida na Ikechukwu Anyene kom risiv dem fo Oliver Tambo International Airport.
Naija Languej hie se Enyimba go du trenin fo Lucas Moripe Stadium bifo di mach.
Fo dia fest mach we dem ple on June 16 fo Portharcourt, Enyimba bin luz 0-1 to Zamalek of Egypt.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.