11 pipul don dai and 5 pipul de fo kritikal kondishon afta Dangote trela we kari cement jam dia bus fo Akintelu end of Benin-Sagamu Expressway.
Di bus we bilong to Efex Motors, wit rejistreshon nomba DG 36 ASJ, bin kari pipul we bin go wedin fo Benin City, Edo Stet.
Naija Languej hie se as them de go bak to Lagos on Sunday, na im dia moto kom jam wit Dangote trela we kari cement de go Ore.
Dem say as di gbege hapun finish, di Dangote draiva we dem giv im nem as Idrisu Oseni jos tek off wit im moto boi.
Na Road Safety pipul and polismen kom kari dedbodi and pipul we get injuri fo di bus to hospital.
Sector Commander of Federal Road Safety Corps, FRSC fo Ondo Stet, Osas Osadebamwen tel niuz pipul say di Dangote trela bin de du veri denjaros draivin araund 3.30 pm on Sunday wen im los kontrol kom jam di Efex Motors Toyota Hiace bus we kari pipul we bin de riton to Lagos from wedin seremoni we dem go du fo Benin.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.