Jonas Hector na im sko di penariti we finish di mach as Germany buk dia ples fo Euro 2016 semi fainal. Di gem bin finish 1 - 1 afta ekstra taim fo Bordeaux on Saturday.
Germany bin win di penariti 6-5 to buk dia ples fo di Euro 2016 semi-fainal fo Bordeaux.
Afta 120 minits of akshon kom finish fo 1-1 draw, Jonas Hector kom tap di winin penariti insaid net afta sevun pleyas don fel to konvat dia oun.
Simone Zaza, Graziano Pelle, Leonardo Bonucci and Matteo Darmian ol mis dia penariti fo Italy. Thomas Muller, Mesut Ozil and kaptin Bastian Schweinsteiger na di pleyas we mis penariti fo Germany.
Ozil bi laik se im don win di gem fo Germany fo 65 minits bifo Bonucci kom sko wit penariti afta Jerome Boateng kari hand toch di bol insaid 18 fo 78 minits. Bikos of dat won, di mach kom enta ekstra taim and penariti.
As Germany win so, dem don stat to rivenj di 8 konzekutiv win we Azzurri bin win dem fo mejo kompetishon.
World champion Germany don bikom di 1st tim to rich semi fainal fo siks konzekutiv mejo tonament.
Germany go ple host France ou Iceland fo Marseille on Thursday. Bot Mats Hummels no go ple bikos of di sospenshon we im get fo di Italy mach.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.