Wan Mass Communication student fo Lagos State Polytechnic, Taiwo Rasaq, de krai se som policemen fo Owutu Police Division bin tocho am kom deten am 'unlawfully'.
Rasaq de klem se di onli ofens we im komit bi se im ask polis wai dem arest am.
Rasaq tok se na di taim wen polis bin raid Agric eria fo Ikorodu, and na N30,000 im kari bail imsef.
PUNCH Metro hie se Rasaq bin de kom daun from keke Napep araund 9.30 pm on May 30 wen polis arest am.
Im se polis bin arest am wit 30 oda pipul we dem kari go dia steshon.
“On May 30, araund 9.30pm, a bin de kom from Egbeda wit keke Napep. As a jos de drop fo Ori-Okuta fo Agric eria, som polis pipul from Owutu Division kom arest mi . Dem arest meni pipul olso, ivun doz we go bai garri and bread fo dina.
“As wi rish steshon, we mit mou dan 30 bois we dem arest laik os. A dimand to nou di rizin fo mai arest bot nobodi ansa mi. Smol taim, dem kom se mek a komot mai klot bot a no gri.
“A tel dem se a no go komot klot onles dem tok mai ofens. Afta a tel dem mek a rait statement and kol mai pipul, na im 3 polis kom bigin slap mi ton bai ton.
“Wan of dem kom de tok, ‘Yu tink se yu nou di law, yu go sleep fo cell tonait’."
Rasaq say dem slap am sotay im kom klos im maut.
Rasaq say na bitwin N5,000 and N10,000 bail moni di polis bin kolekt from oda pipul, bot im oun kom bi N30,000 as im de ‘stubborn’.
“Wi pas 70 pipul we dem arest. Dem no ask eni kweshon and dem no tek awa stetment. Di folowin de na im wi stat to praiz bail o.
"From N10,000 na im dem bigin kol praiz we dem tok se if yu no get am, yu go Kirikiri prizin. Pipul beg sotey dem kom gri fo N5,000.
“Mai pipul kom beg olso bot dem say a de stubborn. So na N30,000 dem kolekt from mi bikos a de stubborn."
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.