Bifo bifo National Publicity Secretary of Peoples Democratic Party, PDP, Chief Olisa Metuh bin sho face fo Federal High Court, Abuja on Monday bikos of N400m we dem tok say im bin kolekt chop onto mago mago levul.
Bot di koko bi say Metuh no kari im 2 leg waka kom court o. Naija languej tori hie se na kari dem kari di man on top stretcher kom court and if yu si am, yu go niali krai.
Na im Justice Okon Abang luk Metuh kondishon finish kom ajon di mata to March 14, 2018.
Afta ajonment, na im dem kari di man shap shap put insaid National Hospital, Abuja ambulans wit plet nomba , 44Q 20 FG kom riton am to hospital arand 10 :27 on Monday morin.
Akodin to EFCC, Metuh bin yuz wuru wuru levul kolekt 400 milion naira from bifo bifo National Security Adviser we bi Sambo Dasuki fo 2014.
Si piksho of Metuh on top stretcher as niuz tori pipul bin snap am fo court on Monday morin.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.