Di General Overseer of di Redeemed Christian Church of God, RCCG, Pasto Enoch Adejare Adeboye, aka Papa Adeboye, aka Daddy G O don ritaya from di pozishon fo Naija.
To tek ova im pozishon as General Overseer of RCCG, Pasto Adeboye don anoint Pasto J. O. Obayemi.
Ol dis won de hapun only 2 mont bi Adeboye go selebret im 75 yiez birthday on March 2, 2017.
Durin di Annual Ministers Thanksgiving fo Shimawa, in Ogun Stet on Saturday na im Adeboye anauns Obayemi as di niu .G O of RCCG fo Nigeria.
Bifo im promoshon to G O, Obayemi bi Special Assistant to the General Overseer fo moni mata.
Bot no bi onli dat won bi di apointment we Pasto Adeboye mek o. Im olso apoint Pasto Johnson Odesola we bin de wok as Special Assistant on Administration and Personnel bifo as church Secretary. Afta dat won, im kom apoint Pasto Adeyokunnu as choch Treasurer.
Pasto Enoch Adeboye we bi se dem born am on March 2, 1942, fo Ifewara, Osun Stet bin get im BSc in Mathematics fo University of Nigeria Nsukka, and PhD in Applied Mathematics fo University of Lagos.
Im bin wok as Mathematics lekshora fo University of Lagos and University of Ilorin, bifo im kom enta wok of God ful taim.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.