Di pipul of Eziobodo fo Owerri West Lokal Govament Eria of Imo Stet don kari beta chieftaincy taitul giv bifo bifo Super Eagles pleya, Emmanuel Amuneke.
As im de giv Amuneke di taitul of Aka Welitere Mba 1 of Eziokele in Eziobodo on Wednesday, December 28, di tradishonal rula of di komuniti, His Royal Highness Eze Richard Ngozi, di Osuji Ezinwa of Eziokele tok se na to sho se dem de hapi wit dia son fo evritin we im don du to develop di eria.
Di king tok se di pipul de hapi wit Amuneke bikos sins God bles am, im no de help onli im oun famili, bot im de help di hol komuniti.
Di king olso tok se Amuneke no de kari sholda. Im de tok tru and im de respekt pipul wel wel.
Amuneke imsef kom tank di pipul fo di taitul we dem giv am. Im tok se evri beta tin we im don du no bi bai im oun pawa bot bai di grace of God.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.