Otoriti dem fo Ambrose Alli University, Ekpoma we bi se na Edo Stet govament get am don klos di skul bikos of trobul we di students de mek fo di eria.
Dem say di hevi moni we manejment put on top skul fiz na im provok di students o.
Edward Aihevbe, we bi Public Relations Officer of di yunivasiti tok say di skul no go opun ontil manejment don tochlait di students protest.
Im kom tok agen say di students no get eni rizin to protest sotay dem go blok di Benin-Ekpoma-Auchi highway.
As im de giv di students ontil 4pm on Monday to pak dia kaya komot fo di skul kompaund, im dinai se sekuriti pipul bin shut 2 student dem.
“Nobodi bin shut eni student o. Dem blok highway di taim we som soja dem de eskot won Army moto pas di rod. Na im di army pipul kom faya dia gun insaid air bifo di students we de protest kom skata."
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.