Manchester City anauns on Wednesday se dem don sain 19-yiez-old Brazilian fowod Gabriel Jesus fo £27m from Palmeiras on 5 yiez kontrakt .
Akodin to di kontrakt, Jesus we de on duti wit Brazil fo Rio Olympics go stil de ple fo Palmeiras ontil December bifo im go join Man City fo January nes yie.
"Manchester City na won of di best klob in di wold. so a de hapi to sain.
"Wi get plenti big pleyas fo di tim plos fantastik manija we bi Pep Guardiola we bi se a go len plenti tins fo im hand.
"A de wet mek taim rish mek a sho City fans dem wetin a fit du. A biliv se wi get beta fusho togeda." Na so Jesus tel Man City TV.
Bifo Jesus kom, Man City bin tok se dem sain Germany intaneshonal Leroy Sane from Schalke 04 wit £37 million.
If yu join Jesus wit Sane, na im bi se Pep Guardiola don sain siks niu pleyas we inklud Ilkay Gundogan, Nolito, Oleksandr Zinchenko and Aaron Mooy.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.