Won Naija man we kari waka enta Italy to go faind im levul don dai afta won Italian futbol fan bit am fo hed fo sentral Italy.
Dem say Emmanuel Chidi we bi 36 yiez bin de waka wit im girlfrend fo Paolo Calcinora taun on Tuesday wen won Italian fan of di futbol klob fo dat eria bigin insolt dem onto di levul of resizim.
Na so dem kom stat to de kworel. Bifo yu nou wetin de hapun, dis Italian jos hit Chidi fo hed and im fol daun. Im stil kontiniu to de bit am ontil im fent o.
From dia Chidi no wek op agen. On Wednesday, na im dem konfam fo hospital se im don dai.
Chidi don de liv fo Italy fo onli 8 monts and na won shelta we Catholic chariti, Caritas de tek kia of imigrant dem im de.
Im girlfrend bin get miskarej afta di wahala we dem sofa to kros Mediterranean Sea bifo dem si rod enta Italy.
Di Intirio ministri fo Italy bin tok lask wik se na 153,000 pipul kros wota enta Italy last yie 2015.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.