Barcelona futbol star, Lionel Messi tok se im no go ple fo Argentina agen afta im trowe im oun penariti fo di Copa America fainal we Chile win.
Dis tin we Messi tok sopraiz di hol futbol world bot wetin de pen dis 29 yiez old futbola bi se na 3 taims bi dis we im wit Argentina don rich fainal bot dem kom luz.
As Chile win di Cup, Messi kom tel niuz ripota dem se im no espekt to eva ple fo Argentina agen as im don folo dem luz 3 fainal bak to bak. Di tin kom bi laik se Messi na im kari badlok de folo Argentina.
Wan World Cup fainal and tu Copa America fainal na im Messi don ple fo Argentina and dem no win eniwan at ol.
"Fo mi, mai oun don finish fo nashonal team. A don du evritin we a fit du. I de pen mi se a no bi champion." Na so Messi tok afta Chile win Argentina fo Copa America fainal on Sunday nait.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.