Niali 3 wiks afta im kari naif kot im waif Rose 'throat' fo Oshodi Lagos, Jafaru Sougie don dai join.
Di 48 yiez old Sougie dai on Friday fo Police Hospital, Ikeja wia im de risiv tritment sins May 26.
Dem se di man bin swalo wan black tin laik dat to kil imsef afta im don kot im waif 'throat'. Ivun as dem admit am fo di hospital, di man no gri tek im medisin.
Eniwe, polis don tek wan ai de luk di man sins, weda im bin kolo ou im hed de korekt.
Polis se sins di man de dia hand nobodi kom visit am. Ivun im broda we manej kom jos disapia as im hie se di hospital go kolekt moni fo tritment.
On May 26,2016 na im Sougie kari naif go slota im waif laik ram as shi de on top bed de slip. Afta im don du di badness finish, im go drink poizin to kil imsef.
Tatafo pipul tok se bifo dis badness hapun, na evri taim dis hosband and waif de fait. Sotay di man don de hala se "wan day wan day" im go kil di wuman.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.