Lagos State Fire Service tok se faya don bon wan 6 yiez old girl insaid church fo Egbeda. Di faya bon di smol girl sotay shi kom dai.
Na 'early' monin fo Saturday dis trajedi bin hapun.
Mr Rasak Fadipe, we bi Direkto fo Lagos Fire Service tel News Agency of Nigeria, NAN se na araund 2 am dis bad tin hapun fo Faith Revival Church.
Fadipe tok se di bois kwota of di church bin kach faya di taim wey dem de du nait vijil insaid church.
“Wi mit di faya de bon di taim we wi kom hia. Na afta wi don kwench di faya wi kom si di smol girl dedbodi insaid wan rum laik dat.
“Di church sef no sabi wetin kos di faya. Araund 5 am na im wi kom kwench di faya kpatakpata."
NAN
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.