Abia stet govament don stat to de giv awuf aftanun fud to di pupils fo ol dia praimari skul.
Di program, akodin to di govament na to help di chidren chop balans dayet we go help dem du beta fo dia skul wok.
Onto dis levul, a total nomba of 136, 258 pupils, go chop the 408, 774 fresh eggs, 51, 09, 670 grammes of ofada rice and 68, 120, 000 grammes of beans evri wik.
As im de lonch first phase of di program fo Ntigha Primary School fo Isiala Ngwa North Council, last wikend, Govano Ikpeazu tok se im wan invest fo chidren we bi Abia fusho lida dem.
Im kom tok se im nou hau i bi to kari emti bele go skul, and im nou hau perents dem de strogul to bring fud fo haus mek chidren chop.
Ikpeazu stil kom obsav se som pipul de trowe plenti fud fo dozbin ivun dou oda pipul no ivun si chop.
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.