Cristiano Ronaldo im homtaun we bi Madeira don shenj di nem of dia intaneshonal airport to honor dia best son we bin kaptin Portugal to win Euro 2016 taitul. Ronaldo olso help Real Madrid to win Champions League trofi fo di 11th taim fo 2015/2016 sizin.
Miguel Albuquerque, president of di Rijonal Govament, bin mek di anaunsment afta Portugal win EURO 2016 trofi say Santa Catarina Airport fo Funchal don shenj to Cristiano Ronaldo Airport.
Dem anauns di shenj di sem de we CR7 we don win Ballon d'Or 3 taims bin opun im oun hotel fo di citi.
Ronaldo and Albuquerque bin de fo di opunin seremoni we bi se na di 1st won out of di "global chain of hotel" dem we im join bodi wit Pestana Hotel Group de du wit oda bransh fo Lisbon, Madrid and New York.
"Di fest Pestana CR7 sopoz to de fo Funchal - mai oun citi we bi se World Travel Awards olso konsida am di best island."
"A de veri praud se a don opun mai fest hotel. Dis won sho se a don enta komplit niu levul. Dis mai niu projekt go ashiv big sokses fo di 4 kona of di wold."
Na wetin Ronaldo tok bi dat.
Kredit: Omnisport
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.