I bi laik se di man we NFF jos apoint Teknikal Advaisa fo Super Eagles, Paul Le Guen don rijekt di job o.
Na onli yestade di Technical and Development Committee of Nigeria Football Federation anauns se dem don giv Le Guen di job. Bot Naija Languej hie se di Frenchman rifiuz to tek di job bikos NFF no mit di kondishon we im giv dem.
Na popula French sports ripota Herve Penot rait di stori fo im twitter handul. “Pour info : Paul le Guen n'ira pas au Nigeria. Les conditions pas réunies pour être sélectionneur. Rien à voir aujourd'hui avec la sélection''
Na hau im rait am fo French bi dat. Bot if yu translet am to English, na im bi se ;
''Paul Le Guen rejects Nigeria. Frenchman insists the country’s FA (NFF) yet to meet terms & conditions to be coach.”
If yu kom translet am fo Naija languej, i min se;
"Paul Le Guen don rijekt Naija. Di Frenchman say NFF no mit im kondishon to bikom dia koch."
0 comments:
Post a Comment
Dear readers, your comments are appreciated. Please keep them relevant to the subject matter at hand.
For enquiries and other useful information, you can email us at naijalanguej@gmail.com.